تعالوا نحلم !!

يلا نحلم!!

يلا نحلم وعنينا مفتحين ..

يلا نطير في السما ورجلينا علي الأرض واقفين..

يلا نعمل عقد من النجوم.. يلا نلبس من القمر فستان وناخد الشمس بالأحضان

وفي صفحتنا هنفتح كل البيبان ونعدي فوووووق الزمان ونعاند الأياااااااام

مش هنخجل ولا هنخاف ماهو أصل الأحلام مالهاش عنوان ولا ليها قضبان ولا سجان لانها
في الآخر مجرد أحلام..

أنا هحلم معاكوا بس عايزه ألف حلم وألف رد مش هنخسر حاجه بالعكس هنطلع إلي في قلبنا يمكن يتحقق في يوم حلمنا

**********

أنا بحلم بقلب كبير في حضنه يضمني وحب من بعد طول الليل ينور حياتي ..يا خد إديا ويقول تعالي ده الفجر جميل ..يطلق في وسط الليل بالأمل زغروطه ويحكي للورد ألف حدوته
يبقي جناحي إلي أطير بيه ووطني إلي أعيش فيه يبقي عمري إلي بروحي أفديه.

بحلم أكون قله للعطشانين ولقمه للجعانين غطا للبردانين وواحه للحيرانين بحلم أكون جنه للمحرومين.بحلم نعيش في سلام.

بحلم أقابل الزمان إلي كان والعمر إلي عدا وهان وأقوله ليه يازمان عيشتني في حرمان بس أنا لسه واقفه وهقف كمان وكمان وهحلم وهحلـــــــــــم وهحلــــــــــــــــــــــــــــــــــــــــــم.

مشكوره اختي ع الموضوع الرآآئع

جــــزاك الله كل خير

والله يزيد الخير في كل مـــــــكان

تقبلي مروري....

مشكوره اختي ع الموضوع الرآآئع